U3F1ZWV6ZTM3NzUyMTkyMThfQWN0aXZhdGlvbjQyNzY4MDI4NTQw
recent
أخبار ساخنة

شرح كامل لفلتر ان دي ND filter بسهولة

شرح كامل لفلتر ان دي ND filter بسهولة

ناس كتير ممكن يبقو لسه جداد في التصوير وميعرفوش ايه ال nd filter او ايه لازمته.

باختصار شديد ال nd filter هو زي النضارة
الشمس كده بس للكاميرا 



بس الميزه فيه انك بتتحكم في درجة الغمقان والفتحان علي حسب نوع الفلتر يقدر يغمق معاك لكام stop
هتقولي طب ايه لازمة الكلام ده مانا لو عايز اغمق الصوره هعلي الشاتر او اقلل فتحة العدسه.
هقولك تمام ومظبوط. بس افرض ياناصح عايز تصور بوكيه محترم بالنهار وoutdoor هتعمل ايه؟ هتيجي توسع فتحة العدسة عشان تديك البوكيه التمام هتلاقي الصورة بقت فلة شمعة منوره.
هنا بقي لازمة الnd filter يامعلم. يغمقلك الصورة فتعرف تلعب ففتحة العدسة براحتك وتاخد البوكيه التمام بالنهار براحتك.

من الاستخدامات برده الجامده جدا لل nd filter واللي هيعرف الكلام ده الناس اللي بتصور time lapse كتير.
انت عشان تطلع timelapse يكون شكله حلو و cenematic يفضل تصور بشاتر قليل جدا(حوالي ثانيتين مثلا) طبعا لو جيت تعمل الكلام ده بالنهار هتلاقي زي ماقولنا فوق الشمعه المتينه. فتقوم حاطط ال nd filter يامعلم وتقلل الشاتر وتصور timelapse محترم.

ملحوظة: لما تيجي تجيب nd filter متستخسرش وتجيب حاجة رخيصة لان الحاجات الرخيصة بتأثر في الوان الصورة.

اسف عالاطالة واتمني اكون وصلت معلومة ومكنش هريت عالفاضي 

في حاجة نسيت اوضحها عشان فيه ناس ممكن تتلغبط.

في نوعين لل nd filter نوع ثابت وده بيديك درجة غمقان ثابته مبتتغيرش ونوع متغير وده بيبقي فيه كذا درجة للغمقان وده اللي ارجحه للاستخدام.

ليست هناك تعليقات
إرسال تعليق

إرسال تعليق

الاسمبريد إلكترونيرسالة